愚人节我搞笑咁講 ： 我要做老襯咯！

我真係捻唔到D咩嘢來寫落個blog，這個禮拜發生咗D好緊張嘅事！就是我要注冊咯！

點解我要注冊結婚？滾大我女友嘅肚所以要結婚？年紀太大要結婚？驚自己冇人要想綁住個女友所以要結婚？都唔係！我要注冊係因為我女友嘅嬤嬤一個心愿！

嬤嬤有咩心愿？就係要自己嘅孫女有個好老公？有人照顧佢由小睇到大嘅孫女！我同佢嘅孫女已經拍拖7年，近排嬤嬤進院入得比較頻密！係上個禮拜佢入院！病情有D惡化嘅現象！主要係佢心臟開始衰退導致D血pump唔到各大器官所以已經要開始靠儀器來飲食！我果日同我女友去醫院探佢同埋敬茶俾佢老人家飲【杯茶叫孫女婿茶】飲到嬤嬤竟然開心到好似平時我去屋企睇到佢咁精神！我同女友都知道嬤嬤年紀唔小同埋病情一日一日咁惡化！係飲完茶嘅隔一日，我都有去醫院探佢，不過佢嘅眼神好朦朦咁。。同我禽晚睇佢都有比較大嘅分別！過后我地返去，到夜晚果陣時我岳母都有去探嬤嬤，嬤嬤講佢都冇印象我地來過 .................

我本來係注冊+結婚擺酒係同一年搞嗮嘅！宜家咁嘅行情都唔知道點樣咯！不過我地依然決定咗去排期注冊，無論發生咩事的哦會去注冊！我冇捻到我就咁娶咗個老婆返來～【好似冇咩浪漫？ 冇跪低求婚 ， 冇花冇戒指就敬咗佢嬤嬤飲咗杯茶！】

不過遲結早結都冇咩相干咯！之前我仲話想拖多我女友三五七年=15年先結婚嘅！哈哈 宜家等咩？等排期咯。。。等咩

我同我班兄弟講這件事果陣時就全部笑狗我！可能我平時大大聲咁講睇邊個係下個結婚，我話肯定唔係我！【海龜結婚時** 請參考》按我《】

有D蒲佢麼仲話 ： 1.安心上路 ， 2. 有条友好玩唔玩。。。。玩自埋！好兄弟~~~~~安心上路~~~~~

我捻宜家係我D仇家報仇雪恨嘅時候咯！