我係法律上已經結婚咗囖！

8點晨早已經俾人鏟醒！睇到D衫褲已經燙咗擺埋一邊！穿上身依然睇到一件我接受唔到嘅事實就係【我肥咗】相比係Form 5 嘅年齡我啲啲確確係肥咗！記得果陣時打Karate仲係打緊75kg Categorie， 宜家竟然要打76kg以上。。。慘到咩咁！

準時出門載人！心情有D唔知點樣！可能之前冇試過咯【緊張？】到咗天后宮only睇到我女友嘅契媽同埋佢嘅仔女，唯有大家吹吹水舒緩下D好靜好靜嘅環境！一過9點，我先開始睇到我班老死D車陸續來緊！而我身體已經開始飃汗，髮型開始走位！去到門口，阿輝一直當我異獸咁影！【有少少paiseh，你地係咪估唔到我都會paiseh leh 】本來我名單上係排名2nd ， 不過可能之前有人已經排緊隊所以俾人打尖咗！由2nd 排到4th ，不過依然好似去bank 咁嘅感覺！排隊埋位等處理 【哈哈】 ，不過一樣好處就係我D汗水開始Slow落來， 冇飃的咁快！搞掂嗮D手續就等上一對注冊情侶出來然后到我入去！【之前海龜結婚知道咗，所以冇咩感覺】入到入面坐D然后先係戲肉 ，個婚姻主持叫我地輪流簽名，我已經開始想笑但係我忍！忍忍忍 到咗一part叫做 ：大家起立 ， 把右手舉起 【.......................】 ，注冊講完一輪問我愿唔愿意 ？ 我一時jam一jam機 ， delay 1sec后我講 ：我愿意 ！哇嗮！頂， 個班粉腸竟然系度笑！我終于都失控笑咗出來！【終于知道我唔係一個認真嘅人】果種感覺就好似聽人講一個好好笑嘅笑話而你自己係一個好莊嚴嘅場合度，真係忍得好幸苦咖！

然后例牌動作就係 ： 在大馬重婚是犯法的 ， 需要坐牢7年同埋罰款 3千 ！

過程歷時 ：10分鐘【果日有32對新人注冊，我捻一個早上應該搞掂，你話係咪效率高】

注冊果日，我屋企人因為有事上court做證而出席唔到我嘅注冊禮，我岳母因為之前試過幫兩隊新人做證婚人，但是最后都離婚收場so佢到冇來【驚腳頭唔好........】

搞到我搵我個10年老死【daigou 】 ，女家代表【契媽】上陣做證婚人 ！ 過后緊係去吃早餐咯！ 我9點到天后宮 ， 9.35分就上車落山！。。。


后記 ： 本人僅多謝嗮各位粉腸俾咗我一個‘好好笑’嘅注冊禮 ！

輪流簽名中！【我已經係度忍緊笑，因為張相后面班粉腸系度笑緊，我老婆都係忍緊】

真係忍唔到咗！【我愿意，全房爆笑ing 】，大面藍衫果個叫 ： DaiGou

大工告成 ，圓滿結束 ，重婚係要判7年監同埋罰3千@ 我有三千但是唔想坐監！